Zjarri te Kryesia e Kuvendit, Peleshi: Vandalizmi nuk ka asnjë lidhje me studentët dhe protestën demokratike

Kryetari i Kuvendit, Niko Peleshi, ka reaguar pas dhunës dhe zjarrit në Kryesinë e Kuvendit.

Në reagimin e tij Peleshi thekson se shënjestrimi i godinës së Kuvendit dhe i institucioneve publike, si dhe kthimi i tyre në caqe të zemërimit të verbër, janë të papranueshme.

Siaps tij vandalizmi nuk ka asnjë lidhje me studentët dhe protestën demokratike.

Reagimi i Peleshit:

Shënjestrimi i godinës së Kuvendit dhe i institucioneve publike, si dhe kthimi i tyre në caqe të zemërimit të verbër, janë të papranueshme.

Vandalizmi nuk ka asnjë lidhje me studentët dhe protestën demokratike. Dhuna dhe shkatërrimi nuk i shërbejnë asnjë kauze, por dëmtojnë interesin publik dhe vetë shoqërinë.

U bëj thirrje subjekteve politike të distancohen nga nxitjet dhe thirrjet për dhunë. Axhenda politike e askujt nuk është më e rëndësishme se Shqipëria.