Pamje shqetësuese nga Tirana tregojnë ndërhyrjen e efektivëve të policisë në ambientet private të një biznesi, ku qytetarët përballen me forcën e uniformave blu.

Sipas pamjeve të publikuara në rrjet, efektivët hyjnë në ambientet e biznesit, ushtrojnë dhunë ndaj personave të pranishëm dhe më pas i shoqërojnë me forcë.

Ngjarja vjen në një mbrëmje të tensionuar në kryeqytet, ku përplasjet mes protestuesve dhe policisë janë shtrirë në disa zona të Tiranës.

Pamjet ngrenë pikëpyetje mbi mënyrën e ndërhyrjes së efektivëve dhe respektimin e të drejtave të qytetarëve, ndërsa pritet një reagim zyrtar për rrethanat e ngjarjes dhe arsyet e shoqërimeve.