Futbolli italian përjetoi një nga mbrëmjet më të këqija në arenën europiane, pasi Interi, Napoli, Roma dhe Como u mposhtën të gjitha në të njëjtën xhiro të Ligës së Kampionëve.

Roma dukej se do të shpëtonte sadopak imazhin e Italisë, por pësoi një përmbysje të dhimbshme ndaj Real Madridit, duke humbur 4-3 pas një fundi dramatik, ku madrilenët realizuan tri gola në vetëm shtatë minuta.

Kështu, katër skuadrat italiane e mbyllën këtë xhiro me katër humbje, një rekord negativ që nuk ishte regjistruar më parë në historinë e Champions League.

Ajo që e bën edhe më të rëndë bilancin është fakti se tri prej tyre, Napoli, Como dhe Roma, u mposhtën pasi kishin kaluar fillimisht në avantazh.

Shifrat flasin qartë për vështirësitë e klubeve italiane në këtë raund.

Në katër ndeshje, ato pësuan gjithsej 14 gola, ndërsa arritën të shënonin vetëm nëntë.

Një bilanc zhgënjyes për futbollin italian, që e sheh veten me të gjitha skuadrat e tij të mundura në të njëjtën xhiro të kompeticionit më prestigjioz europian për klube.

Një alarm i fortë për Interin, Napolin, Romën dhe Comon, që do të duhet të reagojnë në ndeshjet e ardhshme për të mos komplikuar objektivat e tyre në Champions.