Në ditën e tretë radhazi të protestës së studentëve, transporti publik është pezulluar për këtë të enjte. Transporti publik në Tiranë, nuk ka mundur të zhvillojë normalisht qarkullimin për shkak të tensioneve dhe incidenteve të zhvilluara gjatë protestës. Autobusët e linjës së Kamzës kanë vijuar itinerarin e tyre deri në zonën e Kthesës së Kamzës, ndërsa për të premten qarkullimi I autobusëve parashikohet t’I rikhthehet normalitetit. Protesta, sipas studentëve, është kundër rritjes së kostove të arsimit dhe kundër korrupsionit. Kërkesë e tyre ndër të tjerash ka qenë edhe dorëheqja e qeverisë së udhëhequr nga Edi Rama. Në protestën e së mërkurës, dhjetëra protestues dhe efektivë policie u lënduan gjatë përleshjeve që zgjatën deri në orët e vona të mbrëmjes. Mijëra studentë që dolën në protestë të mërkurën i vunë zjarrin dy ndërtesave qeveritare dhe dy bankave, si dhe hodhën gurë në drejtim të policisë. Përveç ndërtesave publike, më 14 tetor u dëmtuan edhe disa objekte private përfshirë atyre të bizneseve, ndërsa edhe këtë të enjte janë dëmtuar filiale të bankës së dytë, ndërsa kanë hedhur sende të forta në drejtim të policisë.