Pas incidenteve dhe dëmeve të shkaktuara në biznese e institucione në zona të ndryshme të Tiranës, protestuesit janë mbledhur sërish pranë Kryeministrisë.
Situata është tensionuar me përplasjet mes turmës dhe forcave të policisë. Efektivët po përdorin vazhdimisht gaz lotsjellës, ndërsa protestuesit u janë përgjigjur duke hedhur gurë dhe sende të forta në drejtim të tyre.
Përplasjet vijojnë në zonën përreth godinës së qeverisë.
