Pamje të rënda janë publikuar nga protesta e studentëve në Tiranë, ku e reja Eva Pango, e cila u shfaq e gjakosur gjatë tubimit, shihet duke u nxjerrë nga një automjet dhe duke u vendosur në barrelë nga një personel mjekësor.
Në fytyrën e të resë duken shenjat e gjakut, ndërsa personeli ndërhyn për ta transportuar brenda spitalit.
Lidhur me rastin ka reaguar avokati Altin Goxhaj, i cili ka bërë një njoftim alarmues për gjendjen e studentes.
Sipas tij, Eva Pango ndodhet në gjendje kome në Spitalin Ushtarak, pasi është goditur nga policia në kokë me municion të shkrepur nga një armë shotgun.
Goxhaj shkruan se studentja kishte humbur shumë gjak, ndërsa shton se ajo u transportua me makinë private, pasi nuk kishte ambulancë në dispozicion.
Avokati ngre gjithashtu akuza për protestues të tjerë të plagosur në kokë gjatë ndërhyrjes së forcave të policisë.
