Policia ka boshatisur Bulevardin “Dëshmorët e Kombit” nga protestuesit, duke ndërhyrë me makinën ujëhedhëse dhe gaz lotsjellës.
Pas ndërhyrjes së efektivëve, protestuesit janë shpërndarë përgjatë bregut të lumit Lana, pranë zonës së Tajvanit.
Forcat e policisë kanë përdorur ujin me presion dhe gazin lotsjellës për të larguar protestuesit nga bulevardi, duke zhvendosur tubimin drejt zonave përreth.
Edhe protesta e sotme ka shkaktuar kaos në Tiranë për të tretën ditë radhazi, me përplasje mes protestuesve dhe forcave të policisë, ku si pasojë ka pasur të plagosur e dhjetëra të shoqëruar.
