Një qytetar është bashkuar me revoltën para Kryeministrisë, pavarësisht se sapo kishte dalë nga spitali dhe pretendon se ka fraktura në të dyja nofullat, të shkaktuara nga efektivët e FNSH-së.
Duke folur për mediat, ai shprehet i vendosur të qëndrojë në protestë, e cila prej tri ditësh vijon me kërkesën për dorëheqjen e kryeministrit Edi Rama.
“Sa dola nga spitali kam ardhur bashkë me fëmijët sot, s’ka problem Shqipëria është e jona. Nuk na përzënë dot këta qelbësirat, zemrën e kemi këtu, nuk bëjmë dot asgjë tjetër përveç se të mbrojmë Shqipërinë tonë. Le të na rrahin le të na mbysin.
Ja vajza 14-vjeç, këtu do vdesim, do mbrojmë Shqipërinë. Kam fraktura në dy nofullat nga FNSH-ja,” tha ai.
