Shqipëria do të ndikohet sot, më 16 tetor, nga kushte atmosferike të qëndrueshme. Moti parashikohet kryesisht i kthjellët përgjatë Ultësirës Perëndimore, ndërsa në zonat malore të lindjes dhe juglindjes do të ketë vranësira të pakta deri mesatare, kryesisht në mesditë dhe pasdite.
Vranësirat në zonat malore mund të shoqërohen me reshje shiu me intensitet të ulët. Pas orëve të pasdites, reshjet pritet të ndërpriten.
Në majat e maleve në verilindje dhe juglindje parashikohen edhe reshje të dobëta dëbore.
Era do të fryjë nga veriu dhe verilindja me shpejtësi rreth 8 m/s, ndërsa përgjatë bregdetit dhe në zonat luginore mund të arrijë deri në 18 m/s.
Në det, valëzimi parashikohet i forcës 2–4 ballë.
