‘Revoltë e akomuluar’, Andoni: Rama ka humbur kontratën sociale me qytetarët, t’i thërrasë arsyes

Për analistin dhe gazetarin Ben Andoni ajo që po ndodh në vendin tonë, nuk është më një protestë porse një revoltë e madhe e akomuluar ndër vite për shkak të vështirësive socio-ekonomike.

I ftuar në ‘Kafe Shqeto’, Andoni si një person i prekur edhe vetë nga gazi lotsjellës i hedhur nga Policia, tha se ishte një reagim i ashpër nga autoritetet ligjzbatuese.

Sipas Andonit, revolta studentore dhe e gjimnazistëve tregon se kryeministri e ka humbur kontratën sociale, pasi kjo tregon pabarazinë e madhe.

Andoni theksoi se përballë këtij realiteti që Rama e ka humbur, ndaj kryeministri duhet t’i thërrasë arsyes.

Më ka kapur gazi i policisë nsë dy vende, ishte vërtet i frikshëm. Reagomi ishte i ashpër nga policia. Ka një masë të madhe stratigrafike njerëzish që s’e dallon dot të miturin nga moshat e tjera. Organizim i paqartë i policisë, Rama në vend që të dalë në mëngjes e të futet në streha me presidentin që është i vonuar, s’e përfaqëson unitetin e popullit më.

Të shikojë se është revoltë e mirëfilltë, ka edhe fëmijë që në disa momente e tepronin. Rama ka humbur kontratën sociale, është revoltë, s’është më protestë. Mbledh një zemërim të pafund me pabarazinë e madhe. E pamundur që ke dy zëvendëskryeministra të akuzuar, që e kanë katandisur këtë vend si e kanë katandisur.

Rama s’arrin të kuptojë që ka njerëz që mezi llogarisin fundin e miajit, të respektohen nga meritokracia, nxënësit e studentët kanë nevojë për modele. Ne s’kemi autoritetet moral. S’dalin komunitete fetare e t’i besosh, autoritetet nga akademia e shkencave e t’i besosh, këtë realitet Rama e ka humbur, duhet t’i thërrasë arsyes nëse i ka ngelur arsye. Njerëzit s’kanë nevojë për deklarata patetike por për ndryshim.