Një 39-vjeçar është arrestuar në Shkodër, pasi dyshohet se ka tentuar të godasë me thikë bashkëjetuesen e tij.
Ngjarja është regjistruar në lagjen “Partizani”, ku pas marrjes së njoftimit për dhunë në familje, shërbimet e Policisë kanë ndërhyrë në banesë.
Sipas Policisë, 39-vjeçari me inicialet A. D. u kap në momentin që po tentonte të godiste me thikë bashkëjetuesen e tij.
Në përfundim të veprimeve procedurale, ai u arrestua në flagrancë, ndërsa thika u sekuestrua si provë materiale.
E dëmtuara ndodhet jashtë rrezikut për jetën.
Materialet procedurale i janë referuar Prokurorisë për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta”.
