Nis protesta edhe në Shkodër, të rinjtë marshojnë drejt fakulteteve, bëjnë thirrje për bojkot

Ka nisur edhe në Shkodër protesta studentore. Studentët janë nisur nga sheshi “Nënë Tereza” dhe kanë marshuar drejt Fakultetit të Drejtësisë dhe atij Ekonomik, ku u kanë bërë thirrje studentëve të tjerë t’u bashkohen dhe të bojkotojnë mësimin.

Nga pamjet, pjesëmarrja në protestën e sotme duket më e ulët krahasuar me ditën e djeshme. Megjithatë, pritet që gjatë orëve në vijim protestës t’i bashkohen edhe studentë nga universitete të tjera.

Për protestën e sotme, Policia e Shkodrës ka marrë masa të shtuara për ruajtjen e rendit dhe menaxhimin e situatës.