Gjykata ka caktuar masat e sigurisë për 19 personat e arrestuar pas protestës së 13 tetorit në Tiranë. Një prej tyre është lënë në arrest me burg, gjashtë në arrest shtëpie dhe 11 të tjerë me detyrim paraqitjeje.
Seanca gjyqësore, e drejtuar nga gjyqtarja Amarilda Sulaj, nisi në orën 08:30 dhe u zhvillua në grupe.
Sipas të dhënave të bëra publike, personat e arrestuar dyshohen për përfshirje në incidentet e ndodhura gjatë ditës së parë të protestës.
Ndaj tyre rëndojnë tetë vepra penale: “Goditje për shkak të detyrës”, “Prishja e rendit dhe qetësisë publike”, “Shkelja e rregullave mbi lëndët plasëse dhe djegëse”, “Vjedhja e bankave dhe arkave të kursimit”, “Shkatërrimi i pronës”, “Shkatërrimi i pronës me zjarr”, “Kundërshtimi i punonjësit të rendit publik” dhe “Prodhimi, mbajtja, blerja apo shitja pa leje e armëve të ftohta”.
Protesta e 13 tetorit u shoqërua me incidente në disa zona të kryeqytetit, ku studentët dhe të rinjtë u përplasën me Policinë.
Masat e sigurisë të caktuara nga gjykata
Arrest me burg:
Abdulla Thaçi
Arrest në shtëpi:
Kalosh Hysbajrami
Korado Aliaj
Ali Bruçi
Klevin Metaj
Erand Zenunllari
Xheison Patoku
Detyrim paraqitjeje:
Brixhet Bali
Ernest Kapo
Donik Vatgjoni
Iljaz Sula
Besnik Kala
Kastriot Vata
Florjan Baba
Genc Ibrahimi
Hamza Bushi
Olsi Vokli
Blerim Gjoka
