Studentët e Universitetit në Vlorë kanë marshuar drejt gjimnazit ‘Ali Demi’, në mënyrë që këta të fundit t’u bashkohen kauzës së tyre për protestë kundër qeverisë.
Me thirrjet: ‘Bashkohuni me ne’, ata janë drejtuar drejt gjimnazit, por kanë hasur në bllokadën dhe rrethimin e punonjësve të Policisë, të cilët nuk lejojnë që të rinjtë të dalin në protestë.
Policia ka ngritur ‘barrikadë’ përballë gjimnazit, duke i ngujuar ata brenda.
Protesta e të rinjve, kryesisht studentëve dhe gjimnazistëve është shoqëruar me dhunë të policisë.
