Korçë, të rinjtë rikthehen në bulevard, protesta vijon pavarësisht shoqërimeve nga policia

Të rinjtë janë rikthyer sërish në bulevardin e Korçës, duke vijuar protestën pavarësisht shoqërimit të disa prej tyre nga policia dhe ndërhyrjeve të përsëritura të efektivëve.

Edhe pse në numër më të vogël, protestuesit kanë dalë sërish në rrugë, duke treguar se nuk kanë ndërmend të tërhiqen.

Gjatë ditës, policia ka ndërhyrë tre herë për të menaxhuar situatën, ndërsa disa të rinj janë shoqëruar në komisariat.

Protesta vijon në bulevardin kryesor te qytetit, ndërsa situata po ndiqet nga afër nga forcat e policisë.