Ministria e Shëndetësisë ka publikuar bilancin e të lënduarve nga protesta e 16 tetorit në Tiranë. Sipas të dhënave të përditësuara në orën 18:45, në Spitalin Universitar të Traumës janë trajtuar 11 persona, mes tyre 3 të mitur.

Nga të lënduarit, 6 janë protestues, përfshirë 3 të mitur, 3 janë efektivë policie dhe 2 janë kalimtarë.

Sipas Ministrisë së Shëndetësisë, në momentin e përditësimit në urgjencën e Spitalit të Traumës ndodheshin ende 2 protestues, në gjendje të mirë shëndetësore dhe duke iu nënshtruar ekzaminimeve, si dhe një efektiv policie, gjithashtu në gjendje të mirë shëndetësore.


Lajmi kryesor:

Pas 7 orësh betejë me gurë e gaz, lëvizje surprizë te protestuesit, ndalin sulmet ndaj policisë me përqafime e ujë. Po çfarë do të ndodhë të shtunën?