Bashkia e Vlorës ka vendosur hekura mbrojtës në dyert kryesore dhe në dritaret e katit të parë, duke blinduar hyrjet e godinës pas dy ditësh protestash studentore në qytet.
Masat janë marrë në një kohë kur studentët kanë vijuar protestat dhe marshimet, duke përfshirë në itinerarin e tyre edhe godinën e bashkisë. Përmes tubimeve, ata kanë kërkuar mbështetje institucionale për kauzën që po mbrojnë.
Vendosja e barrierave fizike vjen në një klimë të tensionuar në qytet, ndërsa nuk janë bërë të ditura detaje të tjera mbi arsyet konkrete të këtij vendimi nga ana e institucionit.