Lacio ka dhuruar një spektakël në Torino, duke mposhtur Juventusin me rezultatin e pastër 0-3 dhe duke i dhënë një leksion futbolli “Zonjës së Vjetër”.

Një triumf i madh për skuadrën kryeqytetase, e cila konfirmon formën e shkëlqyer në këtë fillim sezoni dhe synimet për të qenë protagoniste në garën për kreun e Serie A.

Me këtë fitore të rëndësishme, Lacio shkon në kuotën e 19 pikëve pas shtatë javësh kampionat, duke barazuar Interin në krye të renditjes.

Kryeqytetasit po shndërrohen në surprizën e bukur të këtij edicioni, ndërsa Juventusi merr një goditje të rëndë përpara tifozëve të tij.

Humbja në shtëpi me tre gola diferencë ngre pikëpyetje për ecurinë e bardhezinjve, ndërsa Lacio largohet nga Torino me një mesazh të qartë: këtë sezon, skuadra laciale është gati të sfidojë këdo!