Real Madridi fitoi me rezultatin 4-1 ndaj Sevillas në kampionat, por një episod i ndodhur në minutën e 22-të të takimit ka shkaktuar debate të shumta mes tifozëve.

Në qendër të diskutimeve ishte mesfushori turk Arda Güler, i cili goditi me bërryl një futbollist kundërshtar gjatë ndeshjes. Veprimi i tij ngriti pikëpyetje nëse lojtari i Real Madridit duhej të ndëshkohej me karton të kuq.

Pamjet e episodit u shqyrtuan edhe nga sistemi VAR, por gjyqtari vendosi të mos e ndëshkonte Gülerin. Turku nuk mori as karton të verdhë, një vendim që u bë menjëherë objekt diskutimi mes tifozëve.

Disa prej tyre shprehën habinë për faktin se mesfushori madrilen nuk u ndëshkua, duke vënë në pikëpyetje vendimin e arbitrit përballë një veprimi që mund të interpretohej si i rrezikshëm.

Pavarësisht polemikave, Real Madridi arriti të siguronte një fitore të thellë 4-1 ndaj Sevillas. Megjithatë, episodi me protagonist Arda Güler pritet të mbetet një nga momentet më të diskutuara të kësaj sfide.