Komisioni Evropian ka reaguar për protestat në Shqipëri, duke dënuar dhunën e shënuar në Tiranë dhe qytete të tjera të vendit, përfshirë zjarrvëniet, sulmet ndaj institucioneve shtetërore dhe shkatërrimin e pronës publike dhe private.
Në deklaratën e publikuar në faqen zyrtare, Komisioni Evropian thekson se dhuna nuk ka vend në një shoqëri demokratike dhe se reagimi ndaj saj duhet të jetë në përputhje me ligjin dhe proporcional.
“Përgjegjësit duhet të mbajnë përgjegjësi nëpërmjet procedurave të rregullta ligjore”, thuhet në deklaratë.
Komisioni Evropian nënvizon gjithashtu se liria e tubimit dhe e shprehjes janë të drejta themelore dhe vlera thelbësore evropiane, të cilat duhet të respektohen dhe të ushtrohen në mënyrë paqësore.
“Mirëpresim angazhimin e autoriteteve shqiptare për të garantuar të drejtën e protestës”, vijon deklarata.
Duke iu referuar procesit të integrimit evropian të Shqipërisë, Komisioni Evropian thekson se, në një vend kandidat të angazhuar në procesin e anëtarësimit në BE dhe që po shënon përparim në rrugën evropiane, pakënaqësitë duhet të trajtohen përmes dialogut konstruktiv dhe në mënyrë paqësore.a.b
https://ec.europa.eu/commission/presscorner/detail/en/statement_26_2194
