Qëndrimet në strukturat akomoduese në gusht u rritën tre herë më pak se një vit më parë

Hotelet dhe strukturat e tjera akomoduese kanë parë një ngadalësim të ndjeshëm të aktivitetit në kulmin e sezonit veror, si për numrin e vizitorëve ashtu dhe të net qëndrimeve, me rritjen e të dy këta treguesve që ishin tre herë më të ulëta se në të njëjtën periudhë të një viti më parë.

INSTAT raportoi se në Gusht 2026, numri i vizitorëve që qëndruan në strukturat akomoduese në Shqipëri u rrit me 10,3%, krahasuar me të njëjtin muaj të vitit të kaluar.

Po sipas të dhënave të INSTAT, në të njëjtën periudhë të një viti më parë, vizitorët ishin rritur me 35.1%, ose tre herë më shumë sesa këtë vit.

Në gusht 2026, Vizitorët rezidentë u rritën me 9,0%, ndërsa vizitorët jo-rezidentë me 10,7%. Një vit më parë, jo rezidentët ishin rritur me 40,5%. Net-qëndrimet e vizitorëve rezidentë u rritën me 9,8%; Net-qëndrimet e vizitorëve jo-rezidentë u rritën me 13,4%.

Në gusht 2026, net-qëndrimet gjithsej u rritën me 12,5%. Në të njëjtën periudhë të një viti më parë net qëndrimet ishin rritur me 33.3%, nga të cilët ata jo rezidentë me 42.6%.

Sipas INSTAT, Shumica e vizitorëve të huaj që u akomoduan në Shqipëri vijnë nga:
* Kosova (17%)
* Polonia (12%)
* Italia (10%)
* Vizitorë nga Franca dhe Gjermania përbëjnë përkatësisht 8% dhe 7%
* Nga vende të tjera (46%).

Shfrytëzimi i hoteleve

Norma e shfrytëzimit të dhomave në hotele arriti 67,4 %, nga 61,5 % në Gusht 2025, duke shënuar një rritje me 5,9 pikë përqindje.