Sheikha Alanoud Hamad Saud Al Thani, bashkëpunëtore jo-rezidente në Këshillin e Lindjes së Mesme për Çështjet Globale, ka deklaruar se bisedimet për zgjidhjen e konfliktit midis SHBA-së dhe Iranit “kanë shkuar disi keq, për ta thënë me fjalë të buta” dhe se memorandumi i mirëkuptimit i nënshkruar në qershor “nuk qëndron më në këmbë”.

Në një intervistë për Al Jazeera, ajo tha se Katari po i inkurajon të dy palët të kthehen në tryezën e bisedimeve.

“Ashtu siç tha zëdhënësi ditët e fundit, ne nuk duam thjesht të arrijmë një zgjidhje të përkohshme dhe pastaj ta rihapim çështjen më vonë. Ne duam të gjejmë një tokë të mesme që i bën të gjithë të kënaqur sa më shpejt të jetë e mundur dhe që të jetë e qëndrueshme,” deklaroi ajo.

Sheikha Alanoud Hamad Saud Al Thani theksoi se marrëdhënia e Iranit me fqinjët e tij të Gjirit, të cilët ai i ka sulmuar gjatë gjashtë muajve të fundit, mbetet e paqartë.

“Varet prej tyre nëse ajo zgjedhje ishte e dobishme apo jo, dhe varet prej tyre nëse në të ardhmen e shohin të vlefshme të kenë një marrëdhënie të besueshme dhe pozitive me fqinjët e tyre. Dëgjojmë një gjë nga një lider dhe diçka tjetër nga dikush tjetër. Ende nuk është e qartë se cila politikë do të mbizotërojë në Iran. A do të jenë skifterët apo pëllumbat? Nuk e dimë,” përfundoi ajo.

/rtsh.al/