Presidenti amerikan Donald Trump e ka quajtur “TOTAL FAKE NEWS” raportimin e Politico, i cili pretendonte se ai po konsultohej me aleatë për të zëvendësuar shefen e stafit të Shtëpisë së Bardhë.
Sipas Politico, Trump kishte pyetur 4 persona me njohuri direkte për mendimin e tyre për Wiles dhe kishte përmendur emra si zëvendësues potencialë, përfshirë Stephen Miller, Randy Levine (presidenti i New York Yankees), Steve Witkoff, Bill Pulte dhe ish-kryetarin e Dhomës Kevin McCarthy.
Trump reagoi me një deklaratë:
“LAJM TOTALISHT I RREMË. Politico nuk kujdeset për faktet, integritetin apo gazetarinë e ndershme — është arsyeja pse i nxora nga Shtëpia e Bardhë! Susie Wiles është shefja ime besnike dhe më jetëgjatë e Stafit — ka një arsye për këtë. Ajo ka qenë me mua që nga fillimi, është këshilltarja ime e besuar dhe ka besimin tim të PLOTË. Presidenti DONALD J. TRUMP.”
Susie Wiles është gruaja e parë që shërben si shefe e stafit të Shtëpisë së Bardhë dhe konsiderohet si një nga këshilltaret më të besuara të Trump, pasi luajti rol kyç në fitoren e tij në zgjedhjet e 2024.
