“Po diskutojmë uljen e moshës për dënimin penal”/ Rama për protestën: Me gurin keni vetëm dy mundësi, këmbët e shpejta ose… 20/10 08:48
Skema e ngjyrave
Madhësia e shkrimit
Në takimin me drejtuesit e gjimnazeve të Tiranës, kryeministri Rama foli edhe në lidhje me qëndrimin e gjykatës në lidhje me arrestimet në protestë. Në fjalën e tij, ai shprehet se gjykatësit kanë qenë të kompleksuar përgjatë këtyre ditëve.
“Po përgatisim një paketë për ata që dhunojnë. Kush dhunon do të ndiqet nga hija e shtetit, që i kërkon një më një dëmshpërblimin. Gjykata, edhe pse në këndvështrimin tim ka lënë për të dëshiruar, i ka konsideruar të gjitha arrestet të ligjshme.
Edhe pse në këtë rast, gjykatësit janë të kompleksuar nga trysnia e madhe e kësaj force të verbër. Edhe në rastet e ndalimit të të miturve gjykata ka dhënë vendim të mbikëqyrjes prindërore. Prindi ka përgjegjësinë e vet, edhe pse jemi të vetëdijshëm se në kushtet e veçanta sociale prindërit duhen ndihmuar, por prindërit do të jenë pjesë e përgjegjësisë së dëmit të shkaktuar nga fëmijët e tyre.
Nuk ka ‘je i mitur dhe nuk mban asnjë përgjegjësi’. Ulja e moshës për dënimin penal është një aspekt që ne po e studiojmë, siç po bën Europa, por ky është instrument i forcës së shtetit. Ne duam të ndjekim aspektin penal, të familjes që i ka këta fëmijë”, tha Rama mes të tjerash.
Top Channel
