Luciano Spalletti vazhdon të qëndrojë në stolin e Juventusit, por besimi i drejtuesve ndaj tij po vihet gjithnjë e më shumë në provë. Ndeshjet kundër Rennes, Lecces dhe Genoas pritet të jenë vendimtare për të ardhmen e trajnerit italian.
Humbja e rëndë 0-3 ndaj Lazios në Torino ka ngritur pikëpyetje të mëdha për ecurinë e bardhezinjve dhe aftësinë e Spallettit për ta kthyer skuadrën në rrugën e duhur.
Trajneri, i cili mori drejtimin e Juventusit me ambicien për ta rikthyer ekipin në nivelet më të larta, ende nuk ka arritur të lërë gjurmën e dëshiruar në lojën e skuadrës. Madje, sipas bilancit të publikuar, ai ka regjistruar një nisje më të dobët në kampionat sesa paraardhësi Igor Tudor, me 11 pikë kundrejt 12 të kroatit.
Problemet nuk lidhen vetëm me rezultatet, por edhe me mungesën e zbatimit të ideve taktike dhe tensionet brenda grupit. Reagimi i Francisco Conceicaos pas ndeshjes me Celta Vigon dhe deklaratat e Bremerit pas humbjes ndaj Lazios kanë shtuar dyshimet për gjendjen e skuadrës.
Pavarësisht situatës, drejtuesit e Juventusit nuk kanë ndërmend, të paktën për momentin, të shkarkojnë Spallettin. Megjithatë, emri i Antonio Contes përmendet si një alternativë e mundshme në rast se rezultatet nuk përmirësohen.