‘Kush shkatërron, do paguajë’/ Rama kërcënon sërish të rinjtë protestues me paketë masash

Edi Rama ka kërcënuar sërish të rinjtë që prej ditësh protestojnë kundër qeverisë, duke paralajmëruar masa të reja ndaj atyre që i cilësoi si shkatërrues.

Në një kohë kur revolta studentore vijon në rrugët e Tiranës, Rama deklaroi se qeveria po punon për një paketë masash, duke përsëritur mesazhin: “Kush shkatërron, duhet të paguajë”.

Rama: Në çdo rast dhe për çfarëdo arsye që kërkohet komunikim me mua apo me qeverinë, ne jemi aty dhe jemi gati. Unë përcjell çdo mesazh që më vjen, te ministrat. Jo më pastaj të dëgjoj ata që kanë nevojë të më thonë atë që mendojnë. Le të hapim këtë diskutim, jam i gatshëm pa kushte të dëgjoj këdo dhe kudo. Por me këtë nuk ka shans, kur përdor këtë, mundësitë i ka dy, ose të shpëtojë falë maskës ose këmbëve të shpejta, ose të përgjigjet para ligjit. Po punojmë për një paketë masash, kush shkatërron duhet të paguajë.