Pedagogë dhe studentë janë bashkuar në një marshim masiv në mbështetje të revoltës studentore, në ditën e tetë të protestave kundër qeverisë.

Marshimi ka nisur nga Universiteti Politeknik i Tiranës dhe po vijon në drejtim të Kryeministrisë, me pjesëmarrësit që kërkojnë dorëheqjen e Edi Ramës.

Me këtë marshim, pedagogët dhe studentët i bashkohen zërit të të rinjve që prej tetë ditësh protestojnë kundër qeverisë, duke kërkuar përgjegjësi politike dhe largimin e kryeministrit.

Prania e tyre shënon zgjerimin e mbështetjes për protestën, e cila vijon mes tensioneve dhe përplasjeve me policinë.