Trajneri i Atletico Madrid, Diego Simeone, vlerësoi nisjen e fuqishme të Shtutgart në Champions League. Të dyja skuadrat do të përballen sot në Gjermani. Skuadra nga Bundesliga renditet e katërta në tabelë, pasi ka fituar dy ndeshjet e para kundër Viking dhe Slovan Bratislava.

Pavarësisht humbjes 2-1 ndaj Liverpool në ndeshjen hapëse të Champions, Atletico u rikthye fuqishëm me një fitore 2-0 ndaj Manchester United të martën e kaluar. Aktualisht, ekipi gëzon një seri prej gjashtë fitoresh radhazi në të gjitha kompeticionet, por Simeone paralajmëroi për rreziqet që mund të paraqesë Shtutgart.

“Po e lë pas atë që ka ndodhur në ndeshjet e mëparshme, kjo nuk ka rëndësi. Ne do të gjykohemi për atë që do të bëjmë sot. Kemi përballë një ekip shumë të fortë, i cili e ka nisur Ligën e Kampionëve në mënyrë të shkëlqyer,” deklaroi Simeone.

Më tej, trajneri argjentinas shtoi: “Na pret një ndeshje e vështirë kundër një kundërshtari fizikisht të fortë, i cili e kupton qartë konceptin e presionit në gjysmëfushën kundërshtare dhe që tërhiqet thellë në mbrojtje kur është e nevojshme.”