Dhuna dhe grabitjet në Marsejë, vendoset orë policore për të miturit

Autoritetet e qytetit të Marsejës po vendosin një orë policore për të miturit që nga sot pas dhunës në rrugë gjatë protestave të së shtunës, më 17 tetor, dhe masa mbulon disa lagje të qytetit, raportuan mediat franceze.

Oraret policor për të miturit në disa lagje të këtij qyteti do të futen nga sonte deri të premten, raporton portali BFMTV.

Përpara Marsejës, autoritetet vendosën orë policore për të miturit në qytetet franceze të Lionit, Parisit, Nicës dhe Lilit.

Në Marsejë, qytetin e dytë më të madh në Francë, kjo masë do të mbulojë sektorë të caktuar rreth qendrave tregtare.

Ora policore do të fillojë çdo ditë në orën 22:00 dhe do të zgjasë deri në orën 05:00 të mëngjesit të nesërmen, çdo natë deri të premten.

Më herët sot, kryeministri francez Sébastien Lecorny tha se në varësi të situatës, do të vendoset se ku do të vendoset shtetrrethimi/

“Orari i ndalimit të qarkullimit i synuar kontribuon në qetësimin e situatës gjatë natës. Falënderoj policinë dhe xhandarët që zbatojnë këto masa, si dhe prefektët për mobilizimin e tyre. Sonte, do të shpallen orë të reja ndalimi qarkullimi aty ku e kërkon situata. Këto vendime do të merren në terren nga prefektët, në bashkëpunim me kryetarët e bashkive”, njoftoi Lekorni në llogarinë e tij X, raporton Figaro.

Autoritetet thanë se në Marsejë, qyteti i dytë më i madh në Francë, 500 dyqane u goditën nga banditë dhe 317 prej tyre u dëmtuan ose u plaçkitën.

“Pas trazirave të dhunshme që ndodhën të shtunën në Marsejë, forcat e sigurisë arrestuan 101 persona, përfshirë 74 të rritur dhe 27 të mitur”, njoftoi zyra e prokurorit në Marsejë.