Pas disa orësh qetësie para Kryeministrisë, protesta në Tiranë është përshkallëzuar sërish, me përplasje mes protestuesve dhe forcave të rendit.
Pasi turma u largua nga sheshi dhe vijoi marshimin në rrugët e kryeqytetit, disa furgona dhe automjete policie u vunë në ndjekje të protestuesve.
Më herët, drejt godinës së Kryeministrisë u hodhën gurë dhe molotovë. Policia ndërhyri me gaz lotsjellës, ujë me presion dhe plumba gome, duke rritur tensionet gjatë tubimit.
Situata ka kaluar nga qetësia e përkohshme në përplasje të reja, ndërsa ndjekja e protestuesve nga automjetet e policisë vijoi edhe pas largimit të tyre nga sheshi para Kryeministrisë.
