Të shtëna me armë zjarri në kryeqytet, një person gjendet i vrarë brenda një makine te “Vasil Shanto” (VIDEO)

Një person është gjetur i vdekur nga të shtënat me armë zjarri në një automjet, në rrugën “Mihal Popi”, në zonën e Vasil Shantos, në Tiranë.

Paraprakisht, dyshohet se bëhet fjalë për vrasje, por rrethanat e plota të ngjarjes ende nuk dihen. Policia nuk e përjashton as pistën e vetëvrasjes.

Ngjarje e rëndë në Tiranë, gjendet një person i pajetë brenda një automjeti në rrugën Mihal Popi, dyshohet për vr*sje! Tiranë/Informacion paraprak Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën Mihal Popi. https://t.co/DEZJX7SWVX

— Euronews Albania (@EuronewsAlbania) October 20, 2026

Njoftimi i policisë

“Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.

Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.

Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes”, njofton policia.