Një 45-vjeçar është gjetur i vrarë mbrëmjen e sotme në Tiranë, pranë shkollës “Vasil Shanto”.
Paraprakisht, dyshohet se ngjarja mund të jetë atentat. Në vendngjarje kanë mbërritur forcat e policisë, të cilat pritet të kryejnë veprimet e nevojshme hetimore për zbardhjen e rrethanave dhe identifikimin e autorëve.
Deri më tani nuk ka të dhëna të tjera të konfirmuara lidhur me rrethanat e vrasjes.
NJOFTIMI I POLICISË
Tiranë/Informacion paraprak
Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.
Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes.