Një episod skandaloz është regjistruar gjatë protestës në Tiranë, ku një grup prej 10-15 personash, të veshur me të zeza dhe të maskuar, kanë dalë nga ambientet e Ministrisë së Brendshme.
Sipas raportimeve nga gazetari Osman Stafa, grupi në fjalë është drejtuar më pas në rrugën “Myslym Shyri”, për t’u shpërndarë në lagje të tjera të kryeqytetit.
Sipas gazetarit, “banda” është përballur edhe me disa efektivë policie, të cilët fillimisht i kanë ndjekur, pasi dyshonin se bëhej fjalë për protestues. Megjithatë, më pas, efektivët i kanë lënë të lirë të vijonin rrugën.
Një tjetër moment i dyshimtë, sipas raportimit, është regjistruar kur personat kanë vënë re kamerat e mediave.
Në atë moment, ata kanë mbuluar fytyrat dhe janë shtirur si protestues, duke vrapuar dhe thirrur: “Rama në burg! Berisha në burg!”.
