Sindikata e Universiteteve ka njoftuar bojkotin e mësimdhënies në të gjitha universitetet publike, duke nisur nga dita e nesërme, e mërkurë, 21 tetor.
Përmes një shkrese zyrtare, sindikata e Universiteteve ka bërë me dije edhe arsyet e bojkotit, ndërsa përkrahin edhe protestën studentore për arsim cilësor, shëndetësi dinjitoze, siguri jete e prone, për të drejtën e llogaridhënies etj.
Kërkesat e Sindikatës Sindikata e Universitetetve kërkon:
Ndalimin e menjëhershëm të përdorimit të dhunës ndaj studentëve dhe protestuesve paqësorë; Hetimin e pavarur dhe transparent në lidhje me përdorimin e forcës që nga data 13 tetor e në vijim, si dhe vënien para përgjegjësisë së atyre që e kanë urdhëruar dhe ushtruar këtë dhunë të pashembullt; Trajtimin e ligjshëm dhe dinjitoz të çdo studenti të shoqëruar; Plotësimin e kërkesave të studentëve dhe nxënësve.
Sindikata e Universiteteve u bën thirrje gjithashrtu rektorëve dhe drejtuesve të institucioneve të arsimit të lartë që ta respektojnë këtë vendim dhe të mos ndërmarrin asnjë masë disiplinore ndaj pedagogëve dhe studentëve pjesëmarrës.
Shkresa u është dërguar të gjitha institucioneve të arsimit të lartë në të gjithë vendin.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
VIDEO/ Britma e ulërima - Policia s’kursen as vajzat nga arrestimi me dhunë
VIDEO/ Gjokutaj: Policia po sillet si polici e pushtetit, jo e shtetit, dhuna ndaj protestuesve është e diktuar
Shqiptarët e Austrisë letër të hapur institucioneve austriake dhe të BE: Koha e heshtjes ka mbaruar