Trump i kërkon Putinit lirimin e amerikanit të dënuar për luftën në Ukrainë: Është koha ta kthejmë

Trump bëri të ditur se e ka diskutuar gjerësisht çështjen me presidentin rus, duke shprehur shpresën se lirimi i amerikanit mund të realizohet.

“Fola me Presidentin Putin për S. Hubbard. Fola me të gjatë për këtë. I kërkova ta lironte”, deklaroi Trump, duke shtuar: “Është koha ta kthejmë S. Hubbard”.

Stephen James Hubbard, 74 vjeç, u dënua nga një gjykatë ruse në vitin 2024 me gjashtë vjet e 10 muaj burg, pasi u shpall fajtor për pjesëmarrje si mercenar në luftën kundër forcave ruse.

Asked whether the U.S. is on the verge of a deal to secure the release of American teacher Stephen Hubbard from Russia, President Trump says, “Just stick with me. I don’t want to talk about it,” adding, “Just you remember that question for a couple of days from now.”

Trump adds, "I’ve been talking to President Putin about Mr. Hubbard. I’ve been talking to him at length. I’ve asked him to release him. Let’s see what happens."

— CBS News (@CBSNews) October 20, 2026

Sipas autoriteteve ruse, Hubbard, me origjinë nga shteti amerikan i Michiganit, ishte paguar 1,000 dollarë në muaj për të shërbyer në një njësi të mbrojtjes territoriale ukrainase në qytetin e Izjumit, ku jetonte që prej vitit 2014.

Autoritetet pretenduan gjithashtu se ai kishte marrë trajnim ushtarak, si dhe armë e municione, pasi dyshohet se iu bashkua njësisë në shkurt të vitit 2022, pak para nisjes së pushtimit rus në shkallë të gjerë të Ukrainës.

Hubbard u arrestua nga ushtarët rusë më 2 prill 2022. Sipas agjencisë Reuters dhe mediave shtetërore ruse, ai kishte pranuar fajësinë për akuzat e ngritura ndaj tij. Procesi gjyqësor u zhvillua me dyer të mbyllura.

Deklarata e Trump vjen në një kohë kur çështja e shtetasve amerikanë të ndaluar në Rusi mbetet një nga temat e ndjeshme në marrëdhëniet mes Uashingtonit dhe Moskës. Megjithatë, deri tani nuk është bërë e ditur nëse Putin ka dhënë ndonjë përgjigje konkrete ndaj kërkesës për lirimin e Hubbard.

Top Channel