Barcelona ka paraqitur një ankesë në UEFA ndaj Paris Saint-Germain për koreografinë provokuese të shfaqur nga tifozët vendas në Parc des Princes, para përballjes së Ligës së Kampionëve. PSG triumfoi 4-2 ndaj katalunasve, por vëmendja pas ndeshjes u përqendrua edhe te mesazhet e tifozëve.
Në tribunën e ultrasve të klubit francez u shfaq një skenë e madhe ku paraqitej një burrë i maskuar, i ngjashëm me Jason Voorhees nga seriali horror “E premtja e 13-të”. Personazhi mbante një sharrë elektrike me të cilën shkatërronte stemën e Barcelonës, ndërsa rreth saj paraqitej gjak. Koreografia përmbante edhe mbishkrimin “Massacre à la parisienne”, që përkthehet “Masakër në stilin parisien”.
Të lidhura
None found
Mesazhi ishte qartësisht i drejtuar kundër klubit katalunas dhe u bë edhe më i dukshëm përmes efekteve piroteknike, të cilat krijonin përshtypjen e shkëndijave të prodhuara nga sharra elektrike.
Përveç koreografisë, Barcelona ngriti shqetësime edhe për disa banera më të vegjël me shprehjen fyese “Puta Barça” (Barça është një kurvë), duke kërkuar që ato të hiqeshin.
Media spanjolle raportojnë se klubi katalunas ka vënë në dyshim edhe mënyrën se si këto banera u futën në stadium, veçanërisht duke pasur parasysh kontrollet e sigurisë që zhvillohen gjatë ndeshjeve të këtij niveli.
Tashmë, UEFA pritet të analizojë raportin e dorëzuar nga Barcelona dhe çështja mund të kalojë në procedurë disiplinore.
PSG rrezikon të ndëshkohet me gjobë për përmbajtjen e koreografisë dhe sjelljen e disa tifozëve të tij.
