Administrata e Presidentit Donald Trump ka revokuar mbi 300,000 viza amerikane gjatë mandatit të tij të dytë.
Një zëdhënës i Departamentit të Shtetit njoftoi shifrat dhe tha se administrata amerikane ka “tolerancë zero për të huajt me viza që shkelin ligjin, kryejnë mashtrime ose dëmtojnë sigurinë kombëtare”.
Kjo shifër është thuajse dyfish më e lartë nga përditësimi i fundit që Departamenti i Shtetit kishte bërë më 10 gusht.
Presidenti Donald Trump ka thënë vazhdimisht se goditja e tij kundër emigracionit dhe deportimet synojnë të përmirësojnë sigurinë e brendshme.
Mbrojtësit e të drejtave të njeriut thonë se ky akt ka shkelur të drejtat e procesit të rregullt ligjor dhe të lirisë së fjalës dhe ka krijuar një mjedis të pasigurt, veçanërisht për pakicat etnike.
Sipas Reuters, midis revokimeve të vizave që dënohen veçanërisht nga mbrojtësit e të drejtave të njeriut janë ato të protestuesve të huaj pro-palestinezë që demonstrojnë kundër sulmeve të Izraelit në Gaza.
Përveç përpjekjeve për të deportuar protestuesit e huaj, administrata Trump ka zbatuar kontrolle të rrepta në mediat sociale të emigrantëve dhe aplikantëve për viza.
Administrata e Trump e ka bërë edhe imigracionin ligjor më të vështirë, duke vendosur tarifa të shtrenjta për disa viza pune.
