Kreu i Partisë Demokratike, Sali Berisha, ka akuzuar kryeministrin Edi Rama për hipokrizi dhe kërcënime ndaj protestuesve, duke vënë në pikëpyetje deklaratat e tij për dëmet e shkaktuara gjatë protestave kundër qeverisë.
Në mbledhjen me grupin parlamentar demokrat, Berisha tha se Rama po përpiqet të tregojë forcë përballë protestës, ndërsa paralajmërimet e tij ndaj qytetarëve po shkojnë përtej një thirrjeje për ruajtjen e rendit.
Teksa foli për kërcënimet e Ramës ndaj studentëve, se familjet e tyre do të paguajnë dëmet, Berisha i kujtoi kryeministrit të gjitha aferat korruptive.
Berisha: Sot ai kërcënoi protestuesit për blacklistime, për linçime, për heqje pasaportash udhëtimi, për bllokimi të transportit publik.
I nxjerr të gjitha nga arkiva e etërve të tij.Kërcënon se do u bëjë ngarkim zhdëmtimin.Shikoni të dashur qytetarë se çfarë hipokrizie, çfarë pretendon ky? Ky njeri flet për dëme në një kohë kur ka ndërtuar me paratë e baballarëve të atyre që protestojnë sarajet me themele më të gjata se vila e Enverit, se diktatori ideologjik që kishim. Ka rrethuar sarajet e tij me një park që nuk e ka as pallati mbretëror. Ka paguar, ky që flet për dëme dhe taksa, ka paguar një litër naftë për metër katror sepse ka vendosur të ulë vetë çmimet pesë herë që mund të paguante ai. Ky flet për dëme, ka fytyrë të flasë për dëme ky njeri që ka zhdukur 130 milionë euro në djegësin e Tiranës. Që ka zhdukur në total 200 milionë euro me tre djegësat, asnjëri prej tyre nuk punon. Ka fytyrë ky të flasë për zhdëmtime që ka lënë vendin pa porte për herë të parë në historinë e tij. Që portin e Durrësit e plaçkiti me Alabarin e tij për të ndërtuar Dubain e 1001 netëve
