Të dielën, më 25 tetor, Shqipëria kalon në orën dimërore. Në orën 03:00 të mëngjesit, akrepat e orës do të kthehen 60 minuta prapa, duke shënuar orën 02:00.
Ndryshimi i orës do të bëjë që qytetarët të përfitojnë një orë më shumë gjumë gjatë natës mes së shtunës dhe së dielës, ndërsa ditët do të kenë më pak dritë në orët e pasdites.
Pajisjet elektronike si telefonat inteligjentë dhe kompjuterët zakonisht e bëjnë ndryshimin automatikisht, nëse janë të konfiguruara me përditësimin automatik të orës. Ndërsa orët tradicionale dhe disa pajisje të tjera duhet të rregullohen manualisht.
Ndërrimi i orës bëhet në përputhje me kalendarin evropian, ku ora verore përfundon të dielën e fundit të tetorit, ndërsa ora verore rikthehet në pranverë.
