Juventusi po kalon një periudhë të vështirë dhe trajneri Luciano Spalletti ka nisur punën për të rikthyer ekuilibrin në skuadër.

Sipas raportimeve nga Italia, tekniku ka zhvilluar takime individuale me disa prej lojtarëve kryesorë të ekipit, mes tyre Vicario, McKennie, Kalulu dhe Bremer.

Mesazhi i Spallettit ka qenë i qartë: bardhezinjtë duhet të përmirësojnë organizimin, veçanërisht në fazën mbrojtëse, dhe të pësojnë më pak gola.

Për të shmangur komplikimet e mëtejshme të sezonit, ndryshimet mund të nisin që në ndeshjen e ardhshme të Europa League ndaj Rennes.

Sipas të njëjtave raportime, Juventusi po përgatit kalimin në skemën 3-4-1-2.

Në këtë sistem, McKennie pritet të luajë pas dy sulmuesve, ndërsa Kolo Muani mund të formojë dyshen e avancuar me Nico Gonzalez ose Woltemade.

Spalletti synon të gjejë formulën e duhur për të përmirësuar lojën e Juventusit dhe për ta rikthyer skuadrën në rrugën e rezultateve pozitive.