Për të dytën ditë radhazi, studentët dhe pedagogët kanë refuzuar të ulen dhe të dialogojnë me Edi Ramën, duke i thënë këtij të fundit se ka vetëm një opsion, atë të dorëheqjes.

Negociatat për dialog duket se janë zbehur për shkak të dhunës policore dhe urdhrave të kreut të qeverisë për të shpërndarë me çdo kusht protestën e studentëve.

Por këto zhvillime politike nuk kanë shpëtuar pa u interpretuar edhe në gjuhën më trendi të rrjeteve sociale, atë të memeve. Në qendër të ironisë në rrjet janë vendosur karriget e Ramës, pas refuzimit të studentëve dhe pedagogëve për t'u ulur në tryezën e dialogut me kryeministrin.