Është mbyllur në barazim 2-2 supersfida e mbrëmjes në Champions mes Bajernit të Mynihut dhe Arsenalit.
Një përballje tepër e luftuar që nuk prodhoi fitues. Miqtë gjetën të parët rrugën e rrjetës me Eze në minutën e 25-të, teksa Bajerni u kundërpërgjigj në minutën e 35-të, me Alfonso Dejvis.
Pjesa e parë u mbyll në barazim 1 -1, ndërkohë në fragmentin e dytë të lojës, më konkretisht në minutën e 61-të, Herri Kejn, shndërroi në gol një penallti, duke çuar shifrat përkohësisht në 2-1.
Për golin e baraspeshës totale mendoi Deklan Rajs në minutën e 82-të.
Më këtë pikë të arkivuar, Bajerni u ngjit në kuotën e 5 pikëve, ndërsa për Arsenalin ishte pika e shtatë në 3 ndeshje.
