Shaqir Totaj, nënkryetar i Partisë Demokratike të Kosovës, e ka vlerësuar si fisnik vendimin e Bedri Hamzës për të dhënë dorëheqjen, duke thënë se ky veprim krijon një rrugë të re demokratike për proceset zgjedhore brenda partisë.
Në falënderimin për angazhimin e Hamzës në drejtimin e PDK-së, Totaj ka theksuar se roli dhe kontributi i tij për partinë mbeten të rëndësishëm edhe gjatë këtij procesi.
Të lidhura
None found
Përmes postimit të tij, Totaj i ka shprehur mirënjohje kryetarit Bedri Hamza për mënyrën e matur, të ndershme dhe të përkushtuar me të cilën e ka udhëhequr Partinë Demokratike të Kosovës.
Sipas Totajt, në një kohë të shoqëruar me sfida të mëdha, Hamza tregoi se interesat e vendit dhe mbrojtja e bashkimit të familjes së tyre politike kanë përparësi ndaj çdo ambicieje personale.
Ai ka nënvizuar se dorëheqja fisnike e Hamzës u hap një drejtim të ri e demokratik zgjedhjeve të brendshme, ndërsa kontributi i tij, si një prej shtyllave të rëndësishme të PDK-së, do të vijojë të ketë peshë të madhe.
Totaj e ka përmbyllur mesazhin me respekt dhe mirënjohje të sinqertë për punën, dinjitetin dhe rrugën që kanë përshkuar së bashku.
