Kreu i grupit parlamentar të Partisë Socialiste, Taulant Balla ka reaguar ndaj deklaratave të Sali Berishës, i cili e cilësoi atë si kriminelin më të rrezikshëm. Balla ka nxjerrë gishtin e tij të gjakosur pas konfliktit me deputetin e PD, Flamur Noka, ku shkruan se protestat e dhunshme nuk do të pengojnë procesin e integrimit europian të Shqipërisë. “Dhuna e Sali Berishës nuk e ndal dot agjendën Europiane të Shqipërisë”, deklaroi Balla.
Më pas, për gazetarët jashtë Kuvendit, Balla akuzoi duke thënë se PD ka paguar protestues të maskuar për të kryer trazirat e ditëve të fundit, me një shumë prej 100 mijë lekësh secili. Kreu i grupit të PS-së, nënvizoi edhe se ishte Sali Berisha ai që tentoi të digjte selinë e PS, por pa sukses.
”Policia po mbron institucionet. Duhet të mbështesim policinë për të garantuar sigurinë në çdo institucion. Ankesat që bëni janë në verifikim nga AMP. Sot në Shqipëri i vetmi institucion që meriton gjithë respektin dhe mbështetjen është SPAK. Kur vihet zgjarr mbi GJL apo BSH dhe një prokuror firmos mosdërgimin e çështjes në gjykatë, s’di nëse është ende në punë kreu i ILD.
Është e papranueshme që fëmijë 17-vjeçarë të përdoren për dhunë. Meqë ju gazetarët e bëni këtë punë, drejtojuni Prokurorisë së Tiranës. A ka deputetë të PD që kanë paguar 100 mijë lekë për kokë për të udhëzuar dhunë? 115 të kërkuar për zjarrvënie strehohen në selinë e PD. Sali Berisha është instruktori i goditjes së PS. E dinim që Berisha do të dërgonte njerëzit e vet për ta djegur. Jo vetëm që s’ka për ta djegur, por PS do ta mundë në 2027 dhe 2029. Si kryetar grupi, dua të bëjmë 1/10 e asaj që po bën Macron apo Meloni, mos të vonohemi”, tha Balla.