Pedagogët dhe studentët vijojnë protestën para Parlamentit, duke kërkuar dorëheqjen e kryeministrit Edi Rama me thirrjen e prerë: “Pa dorëheqje nuk ndalojmë!”

Ndërsa protestuesit këmbëngulin në kërkesat e tyre, policia ka nxjerrë autobotin e ujit, duke shtuar tensionin në zonën ku po zhvillohet tubimi.

Prania e autobotit vjen në një kohë kur revolta studentore vijon, ndërsa të rinjtë kundërshtojnë dhunën policore dhe kërkojnë përgjegjësi për veprimet ndaj protestuesve.

Ata këmbëngulin se nuk do të heqin dorë nga kërkesa për largimin e Ramës.