Vlora përballet sërish me probleme në furnizimin me ujë të pijshëm.
Ujësjellës Kanalizime Rajoni Vlorë ka njoftuar qytetarët për një avari të rëndë në rrjetin e furnizimit me ujë, në lagjen “10 Korriku”.
Për shkak të defektit, do të jetë i nevojshëm stakimi i detyruar i stacioneve të ujësjellësit, duke sjellë ndërprerjen e furnizimit me ujë në të gjithë qytetin.
Sipas njoftimit të UK Rajoni Vlorë, ndërprerja do të vijojë deri në riparimin e plotë të avarisë.
