Marka Massimo Dutti ka tërhequr vëmendjen në rrjetet sociale me një pulovër që po krahasohet me një model luksoz të shtëpisë së modës Chanel, për shkak të ngjashmërisë në dizajn.
Bëhet fjalë për një pulovër të thurur me jakë të madhe dhe zinxhir, e cila të kujton një model nga koleksioni Métiers d’art i Chanel për sezonin 2025/2026.
Megjithatë, ajo që ka tërhequr vëmendjen më të madhe është diferenca e konsiderueshme në çmim mes dy modeleve.
Ndërsa pulovra e Chanel kushton 3.350 euro, versioni i Massimo Dutti shitet për vetëm 100 euro, duke u ofruar adhuruesve të modës një alternativë shumë më të përballueshme.
Modeli i Massimo Dutti karakterizohet nga jaka e gjerë, zinxhiri që arrin deri në mes të gjoksit, mëngët e gjata dhe përfundimet me thurje elastike në mëngë dhe në pjesën e poshtme.
Ai është realizuar nga material i thurur që përmban lesh dhe vjen në dy ngjyra: bezhë në nuancën e gëzofit të devesë dhe gri antracit.
Falë dizajnit të tij, pulovra mund të kombinohet lehtësisht me veshje të ndryshme.
Massimo Duti
Ajo përshtatet si me xhinse dhe këpucë klasike për një pamje të përditshme, ashtu edhe me pantallona elegante apo funde për kombinime më të sofistikuara.
Pulovra është e disponueshme në faqen zyrtare të Massimo Dutti me çmim prej 100 eurosh.
Sipas informacionit të publikuar, modeli në ngjyrë bezhë pritet të dalë së shpejti në shitje, ndërsa për versionin gri antracit mund të kontrollohet disponueshmëria.
Jaka e madhe i jep kësaj veshjeje një pamje elegante, duke e bërë të përshtatshme për raste të ndryshme, nga paraqitjet në punë deri te daljet e përditshme.
Versioni bezhë kombinohet bukur me nuancat kafe çokollatë, blu të errët dhe gri, derisa ai gri antracit është një zgjedhje e përshtatshme për ata që preferojnë ngjyrat më të errëta. /Telegrafi/
