Ministri i Mbrojtjes, Ejup Maqedonci, vlerësoi sot se mbrojtja në hapësirën kibernetike përbën një element thelbësor të sigurisë kombëtare. Sipas tij, për t’u përballur me rreziqet e kohës nevojiten aftësi të avancuara, ekspertizë profesionale dhe bashkërendim i ngushtë mes institucioneve.
Gjatë stërvitjes ndërinstitucionale “Digital Siege 2026”, Maqedonci nënvizoi se Ministria e Mbrojtjes e ka prioritet rritjen dhe zhvillimin e kapaciteteve të FSK-së në fushën e sigurisë kibernetike.
Të lidhura
None found
“Do të vazhdojmë të investojmë në dije, teknologji dhe profesionalizëm, si dhe të forcojmë bashkëpunimin me institucionet vendore dhe partnerët tanë strategjikë, për një Republikë të Kosovës më të sigurt dhe më të qëndrueshme përballë sfidave të së ardhmes”, shkroi ministri në një postim në Facebook.
“Digital Siege 2026” është ushtrimi i parë i këtij lloji që organizohet nga Qendra Shtetërore Trajnuese për Siguri Kibernetike.
Funksionalizimi i Qendrës në FSK është mundësuar me mbështetjen e Ambasadës së Shteteve të Bashkuara të Amerikës në Kosovë.
