Artan Fuga ka reaguar pas zhvillimeve të seancës së sotme parlamentare, duke kritikuar deputetët për përplasjet dhe mungesën e propozimeve konkrete për zgjidhjen e situatës politike.
Në një reagim në rrjetet sociale, Fuga i cilëson ata të pasinqertë dhe zhgënjyes, duke theksuar se kanë humbur një mundësi për të dhënë përgjigje ndaj pritshmërive të qytetarëve.
“Edhe sot deputetët bënë atë që s’duhej, bënë sikur u grindën me grushta, në vend të paktën të propozonin, në mos të jepnin zgjidhjen politike që shoqëria pret.
Ata vërtetë janë zhgënjyes, të pa sinqertë,
Rastin që kishin e humbën!
Të mos qahen pastaj kur përballen me pasojat e akteve ose mosveprimeve të tyre. Besimi i shoqërisë te ata është pothuajse zero!”, shkruan Fuga në “Facebook”
