Sot (e premte) starton java e 11-të e Albi Mall Superligës së Kosovës, teksa Gjilani dhe Llapi përballen në një duel ku të dyja ekipet kërkojnë pikë me vlerë për ecurinë e mëtejshme në sezon.
Ndeshja e parë e kësaj jave do të luhet në stadiumin me bar artificial të Gjilanit, me fillim nga ora 18:00.
Të lidhura
None found
Një rezultat pozitiv është objektivi i të dy skuadrave, në një takim që pritet të ketë peshë të konsiderueshme për pozicionimin e tyre në javët e ardhshme të kampionatit.
Gjilani vjen pas triumfit të parë me Zekirija Ramadanin në krye dhe synon një tjetër fitore për t’u afruar në kreun e tabelës. Nga ana tjetër, skuadra e drejtuar nga Tahir Batatina do të kënaqej edhe me një barazim, duke pasur parasysh startin shumë të dobët të sezonit.
Të shtunën, java vijon me dy duele: Vushtrria pret Ballkanin në orën 14:00, ndërsa Drenica përballet me Malishevën në orën 18:00.
Të dielën luhen dy ndeshjet e mbetura, Feronikeli ’74 përballë Dukagjinit dhe sfida kryesore e javës mes Prishtinës dhe Dritës, që të dyja me fillim në orën 13:00.
